Renovación do acordo de colaboración co CERN

O Departamento de Enxeñaría dos Materiais, Mecánica Aplicada e Construción renovou o seu acordo de colaboración coa Organización Europea para a Investigación Nuclear (CERN) no ámbito da construción do acelerador de partículas de terceira xeración coñecido como Colisionador Lineal Compacto (CLIC), dentro do proxecto CTF3 MoU (Compact Linear Collider Test Facility).

Esta colaboración materializouse na incorporación dun antigo alumno da Escola Técnica Superior de Enxeñeiros de Minas como Enxeñeiro de Materiais desenvolvendo estudos de caracterización de materiais e estados superficiais no ámbito do devandito proxecto.